Иван Бошкович: "Биз охиригача курашадиган жамоамиз"
20 авг 23:45
Новости

Иван Бошкович: "Биз охиригача курашадиган жамоамиз"

Суперлига 20-туридан ўрин олган "Сўғдиёна" - "Динамо" (1:1) учрашувидан сўнг "Сўғдиёна" бош мураббийи Иван Бошкович матбуот анжуманида иштирок этди.

- Ўйин ҳақида фикрингиз?

- Ўйин жуда қизиқарли кечди. Мухлисларга ёқди деб ўйлайман. Бугун характер кўрсатиб бир очкони қўлга киритдик. Охиргигача кураш олиб борганимиз учун жамоамга катта раҳмат. Биринчи тайм тенг ўтди, вазиятлар ҳар икки жамоада бўлди. Олдин ҳам айтиб ўтганимдек, реализация бўйича муаммолар бор.

Вазиятлардан фойдалана олмаяпмиз. Иккинчи таймда ўзимизга келиб олдик. Кўп ҳужум ташкил қилдик, шунчаки қўлни кўтармадик. Биз охиригача курашадиган жамоамиз. Ютқазиб қўймаслик учун бор кучни ташладик. Ўйин томонлама вақтлироқ гол уришимиз ҳам мумкин эди.

Жиддий рақибга қарши баҳс олиб бордик. Дуранг адолатли бўлди деб ўйлайман. Энди Кубок учрашувига ҳозирлик кўрамиз. Биз Кубокда жиддий мақсадни кўзлаганмиз. Буни футболчилар ҳам билади. Ҳаммасини вақт кўрсатади. Бугунги ўйиндан қандай сабоқ олганимизни кейинги баҳсда кўрасизлар.

Ссылка :

Источник : championat.asia

Получайте новости прямо в Telegram!

Рейтинг: +5