"Интер" Видалнинг агенти билан музокара олиб бормоқда

"Интер" мутасаддилари "Барселона" ярим ҳимоячиси Артуро Видалнинг агенти билан музокараларни бошлаган, дея хабар қилди Football Italia. Каталония жамоаси билан 1 йиллик шартномаси қолган хавбек Миланга кўчиб ўтиши кутилмоқда.

Бунга қадар "Интер" Видални қўлга киритиш учун 2 маротаба уриниб кўрди – ўтган ёз ва жорий йилнинг январида. Икки гал ҳам келишув амалга ошмади. Бу сафар "нерадзуррилар" аввал ўйинчининг ўзи билан келишиб, кейин "Барселона" билан боғланишга қарор қилишган. "Интер" раҳбарияти "Барса" ўз футболчисини арзон нархда қўйиб юборишига ишонади.

Олдинроқ "Ювентус"нинг янги бош мураббийи Андреа Пирло Видални Туринга қайтаришни хоҳлаётгани тўғрисидаги хабарлар тарқалган эди.