Игор Тудор: "Ишонч билан айтаман, "Тоттенхэм" лигадан тушиб кетмайди"

"Ишонч билан айтаман, "Тоттенхэм" лигадан тушиб кетмайди. Жамоанинг лигада қолиш учун курашаётгани ҳеч нимани англатмайди. Аниқроғи, ҳар қандай ўрин учун кураш, хоҳ хавфсиз бўлсин, хоҳ биринчи ўрин ёки еврокубоклар ўрни бўладими, қандай тушунтирсам экан... барчаси ҳафта давомида нима қилишингизга боғлиқ. Агар қандай ишлаётганингизни билсангиз, натижаси якшанба куни билинади. Агар лигада қолиш ёки бирон бир аниқ вазифа учун курашиш ҳақида ўйлай бошласангиз, бу ҳеч нарсага олиб келмайди. Бу мақсадларнинг барчаси биз учун олисда, мен уларга ҳеч қачон аҳамият бермайман, ҳеч қачон натижалар ҳақида гапирмайман. Мен бунга ишонмайман - мен машғулотларга таянаман.

Фарқ 5, 10 очколик ёки 2 очколик бўлиши мумкин - лекин йўналиш ўзгармайди. Фақатгина биз қандай жамоа бўлишимиз кераклиги ҳақида ўйлашимиз керак.

10 футболчи сафдан чиқиб, барчаси жиддий жароҳат олиши ҳар доим ҳам бўлмайдиган ҳолат. Машғулотимизда 13 футболчи иштирок этди. Ва бу 13 футболчи орқали натижага ҳам эришиш мумкин. Ўйиннинг муҳимлигини билиб турибман. Бу Лондон дербиси. Дербида барча жамоасидан ғалаба кутади", - деди Тудор.

"Тоттенхэм" навбатдаги учрашувини 22 февраль куни ўтказади ва унда "Арсенал"ни ўз майдонида қабул қилади.