Ички ҳиссиёт. Чемпионлик учун курашаётган "Насаф" бугун очко йўқотади
25 окт 2022 15:30
Новости

Ички ҳиссиёт. Чемпионлик учун курашаётган "Насаф" бугун очко йўқотади

Қаршининг "Насаф" жамоаси бугун Coca cola Суперлиганинг 23-турида ўз майдонида "Бунёдкор"ни қабул қилади.

Даража ва таркиб нуқтаи назаридан олганда ҳам икки ҳил жамоалар тўқнашуви. Табиийки бугун устунлик Рўзиқул Бердиев жамоаси томонида. Бироқ шундай омиллар борки, улар бугун жамоанинг очко йўқотишига олиб келиши мумкин.

Насаф

Хусайин Норчаев - 47'

Суперлига. Тур 23

25/10/2022, 18:30

Завершен

Бунедкор

Джасур Ҳакимов - 23'

45'

90'

Открыть в Матч-Центре

1. Уйдаги ўйинлар

Айни пайтда турнир жадвалининг биринчи поғонасида кетаётган "аждарлар" уйда очко ишлаш бўйича олтинчи ўринда бормоқда. "Насаф" ўз Қаршидаги 10та учрашувда 15 очко қўлга киритишга муваффақ бўлган. Натижалар 3та ғалаба, 6та дуранг ва 1та мағлубият. Жамоа сафарда очко йиғиш борасида пешқадам, 12та ўйин 30 очко. Меҳмонда мағлуб бўлмаган икки жамоадан бири бўлиб турибди (иккинчиси "Пахтакор"). Сўнгги йиллардаги ҳолатга назар ташлаймиз.

"Насаф" уйда

2019 йил. 13та ўйин, 6 ғалаба, 1 дуранг, 6 мағлубият 19 очко 8 ўрин (уйда)

2020 йил. 13та ўйин 9 ғалаба, 4 дуранг, 0 мағлубият 31 очко 2 ўрин

2021 йил. 13та ўйин 9 ғалаба, 1 дуранг, 3 мағлубият 28 очко 3 ўрин

2. "Насаф" бу йил ўз майдонида кимларни ютди?

Бу йил Қаршида "Қўқон-1912" (2:1), "Сурхон" (2:0) ва "Қизилқум" (5:0) устидан ғалаба қозонилди. Уйдаги ягона мағлубият "Навбаҳор"дан қабул қилиб олинди (0:1). АГМК (0:0), "Олимпик" (2:2), "Сўғдиёна" (1:1), "Пахтакор" (0:0), "Металлург" (1:1), "Локомотив" (0:0) билан учрашувларда дуранг қайд этилди. Катта эҳтимол билан бугун ҳам дуранг қайд этилиши мумкин.

3. "Бунёдкор"ни ўзига келтираётган Бошкович собиқ жамоасига қарши

Бошкович келгач "Бунёдкор"нинг натижалари бироз бўлсада яхшиланаётганини оддий мухлис ҳам пайқаётгани турган гап. Черногориялик мутахассис жамоадаги бор футболчилар билан максимал натижа кўрсатишга ҳаракат қиляпти. Бу натижаларда ҳам акс этмоқда. Ўз майдонида "Олимпик" билан дуранг, чемпионлик учун курашаётган "Навбаҳор" устидан ғалаба ва сафарда "Металлург" майдонида қўлга киритилган уч очко. Сўнгги учрашувда АГМКга минимал ҳисобдаги мағлубият. Умуман олганда ёмон, деб бўлмайди. Иван ўз вақтида "Насаф"даги ажойиб ўйинлари, ОФК кубогидаги голлари билан маҳаллий мухлислар меҳрини қозона олган. Бугун у собиқ жамоасига қарши мураббий сифатида майдонга тушади.

4. Дастлабки даврадаги натижа ва Қаршида ғалаба қозона олмаётган "қалдирғочлар"

Жамоаларнинг Тошкентда кечган биринчи даврадаги ўйинида "Насаф" 4:1 ҳисобида ғалабани тантана қилган эди. "Бунёдкор" эса меҳмонда сўнгги бор 4 йил олдин 2018 йил 4:1 натижаси билан ортга қайтган. Қаршидаги сўнгги 3та ўйиннинг 2тасида майдон эгалари зафар қучган, 1та баҳсда дуранг қайд этилган ("Пахтакор" стадионида кечган ўйинда номинал мезбон "Насаф" бўлган).