Ҳакамни урган "Навбаҳор"нинг икки футзалчиси икки йилга четлатилди

Унга кўра, футзал бўйича Ўзбекистон чемпионати 12-туридан ўрин олган "Навбаҳор" - "Металлург" баҳсида содир бўлган хунук воқеа юзасидан чора кўрилди. 

Эсингизда бўлса, ўйиннинг 40-дақиқасида "Навбаҳор"нинг икки футзалчиси ҳакамга ташланиб, улардан бири ҳатто юзига мушт туширганди. Қўмита ушбу футзалчиларни икки йил муддатга четлатишга қарор қилди. 

→ ВИДЕО

“НАВБАҲОР — «МEТАЛЛУРГ»

Футзал Олий лигаси 12-тури доирасидаги “Навбаҳор лочинлари”— «Металлург» учрашувининг 40-дақиқасида ҳакам томонидан «Навбаҳор» жамоаси ўйинчиси Дониёр Сотволдиевга қизил карточка кўрсатилади. Шундан сўнг «Навбаҳор» жамоаси футболчиси Илхом Юсупжанов учрашув ҳаками олдига бориб ўз эътирозларини қўпол тарзда билдиради ва унга нисбатан куч ишлатади.

Шунингдек, жамоа аъзолари ва бошқалар томонидан жанжалли ҳолатни бартараф этиш чоралари кўрилаётган вақтда яна бир «Навбаҳор» футболчиси Ғуломжон Мамаджонов ҳам учрашув ҳакамига нисбатан куч ишлатади.

Мазкур учрашув интернет орқали тўғридан-тўғри эфирда намойиш этилаётгани, кейинчалик ушбу ҳолат акс эттирилган видеоёзув ижтимоий тармоқларда тарқалган ва кенг жамоатчилик томонидан жиддий эътирозларга сабаб бўлган.

ҚАРОР

Ўзбекистон футбол ассоциацияси Интизом кодексининг 5.48, 5.49-бандига асосан «Навбаҳор» футболчилари Илхом Юсупжанов ва Ғуломжон Мамаджоновга нисбатан 2 йил муддатга футбол билан боғлиқ ҳар қандай фаолиятдан четлаштириш ва жарима интизом чораси қўлланилди.

Шунингдек, “Навбаҳор лочинлари” клуби томонидан 2022 йилги мавсумда Ўзбекистон профессионал футбол лигаси томонидан ўтказиладиган мусобақалар Регламентининг 16.2,16.3,16.4-бандларига риоя қилинмагани учун клубга ҳам жарима интизом чораси қўлланилди.