Гвардиола клублар ўртасидаги ЖЧда кимлар ўйнаши ҳақидаги саволга жавоб берди

"G" гуруҳидан ўрин олган "шаҳарликлар" бугун Марокашнинг "Видад" клубига қарши майдонга тушишади. Мазкур учрашувдан олдинги матбуот анжуманида инглиз клуби бош мураббийи Хосеп Гвардиола баъзи саволларга жавоб бериб ўтди.

"Бу мавсумнинг бошланиши... Биз мавсумни бошладик, биздаги ҳиссиёт шундай.

Янги харид қилинган ўйинчилардан кўнглимиз тўқ, чунки уларнинг барчасида улкан сифатлар бор.

Кимлар ўйнайди? Ҳамма жалб этилади. Баъзи футболчилар бошқаларга қараганда кўпроқ ўйнайди. Лекин ҳамма ўйнайди, чунки олдиндаги бутун мавсум шундай бўлиши керак!"

Бугун "Манчестер Сити"даги ҳамюртимиз Абдуқодир Ҳусановни майдонда кўрамизми деган саволга 21:00 да старт оладиган беллашувда жавоб оламиз.