Футзал. АГМКнинг Эрон чемпионига қарши баҳсини "Спорт ТВ" жонли кўрсатади
15 авг 2019 11:32
Новости

Футзал. АГМКнинг Эрон чемпионига қарши баҳсини "Спорт ТВ" жонли кўрсатади

Бугун футзал бўйича Клублар ўртасидаги Осиё чемпионатининг ярим финал беллашувлари бўлиб ўтади.

Кеча мамлакатимиз чемпиони АГМК чорак финалда Таиланд чемпиони "Порт ФК"ни 4:3 ҳисобида мағлуб этди. Шу тариқа, Александр Петров бошчилигидаги олмалиқликлар ўз тарихларида биринчи марта ушбу мусобақанинг 1/2 финалига йўл олишди. Ярим финалда АГМКнинг рақиби Эрон чемпиони "Мес Сунгун" клуби бўлишидан хабарингиз бор.

Бугун Тошкент вақти билан 16:00да бошланадиган учрашувни "Спорт" телеканали тўғридан-тўғри эфирда намойиш этади. Демак, мухлислар АГМКнинг ўйинини жонли кўриш имкониятига эга бўладилар. Бундан ташқари, "Спорт ТВ" "Тай Сон Нам" - "Нагоя Оушенс" тўқнашувини ҳам жонли кўрсатади.

АГМК иштирокидаги ярим финал беллашувидан онлайн трансляцияни "championat.asia" сайтида кузатиб боришингиз мумкин бўлади.

Футзал

Клублар ўртасидаги Осиё чемпионати

Ярим финал. 15.08.2019

13:00. "Тай Сон Нам" (Вьетнам) - "Нагоя Оушенс" (Япония) LIVE

16:00. АГМК (Ўзбекистон) - "Мес Сунгун" (Эрон) LIVE

P.S. Учрашувларнинг бошланиш соати Тошкент вақти билан кўрсатилган.

Ссылка :

Источник : championat.asia

Получайте новости прямо в Telegram!

Рейтинг: +27