Францияда ПСЖ стадионининг VIP ложаларига кириш рухсатномасини ноқонуний сотишда гумонланиб, 5 киши қўлга олинди. Рухсатномлар нархи 1500 еврогача етган
14 мая 18:06
Новости

Францияда ПСЖ стадионининг VIP ложаларига кириш рухсатномасини ноқонуний сотишда гумонланиб, 5 киши қўлга олинди. Рухсатномлар нархи 1500 еврогача етган

Теги : ПСЖ

Францияда "Парк-де-Пренс" ложаларига кириш рухсатномаларини ноқонуний сотиш билан шуғулланганлар қўлга олинди.

RMC Sport’нинг Paris-Match’га таяниб хабар беришича, 32 ёшдан 51 ёшгача бўлган 5 киши ПСЖнинг уй стадионидаги алоҳида ложаларга кириш имконини берувчи боғичларни ноқонуний сотиш билан боғлиқ равишда ҳибсга олинган. Энг оммабоп ўйинлар кунлари бу рухсатномалар 1500 еврогача нархда сотилган.

Таъкидланишича, ПСЖ хавфсизлик хизмати март ойида фирибгарлик ва ишончни суиистеъмол қилиш бўйича шикоят билдирган, шундан сўнг тергов бошланган.

Гумонланиб қўлга олинганлар Чемпионлар Лигаси 1/4 финалида "Астон Вилла"га қарши ўйин вақтида ушланган бўлиши мумкин. Ушланганлар орасида Haussmann VIP ложасининг қўриқчиси ва VIP трибунага абонемент эгаси бор. Барча гумонланувчиларга суд жараёни тугагунига қадар стадионга ташриф буюриш тақиқланган.

Ссылка :

Источник : RMC Sport

Получайте новости прямо в Telegram!

Рейтинг: +1