Флик "Севилья"дан қабул қилиб олинган шармандали мағлубиятдан кейин ўзини ҳимоя қилди

Мураббийнинг сўзларига кўра, мағлубиятга қарамай, "кўк-анорранглилар" мавсум охиригача ишонч ва кучни сақлаб қолишлари керак.

"Биз яхши жамоамиз ва футболчилар албатта қайтади. Биз бунга ижобий ёндашишимиз керак. Иккинчи бўлимда кўрган реакциямдан мамнунман", – деди Флик.

Мураббийнинг таъкидлашича, гап тактикада эмас, балки жиддий хатоларда.

"Муаммо тактикада эмас. Биз ҳар доим бир хил ўйнаймиз. Кўп нарса нотўғри кетди: биринчи бўлим ёмон ўтди, аммо иккинчи бўлимда ўзгара олдик. Бундан сабоқ олиб, кучлироқ бўлиб қайтишимиз керак".

Эслатиб ўтамиз, ўйин 5 октябрь куни “Рамон Санчес Писхуан” стадионида бўлиб ўтган ва унда "Севилья" сенсацион тарзда "Барселона"ни 4:1 ҳисобида мағлуб этганди.