"Финал ёш футболчилар учун тажриба ва реклама бўлади. Ҳусниддин Алиқулов катта йўқотиш". Собиқ "Насаф"чилар финал олдидан нималар деди?

Барча тарих такрорланишини интиқлик билан кутмоқда. Биз эса ўша тарих иштирокчиларидан фикрлар олишда давом этамиз. Дарвозабон Элдор Суюнов ва ҳимоячи Шерзод Аъзамов финал олдидан қизиқарли мулоҳазаларни юритишди. 

Элдор Суюнов - Насиб қилса, "Насаф"дан фақат ижобий натижа кутмоқдаман. Чунки бу жамоага бефарқ эмасман. "Аждарлар" мавсумнинг финишини жуда кучли спорт формасида ўтказмоқда. Буни охирги йиллар кўрсатиб турибди. Майдонда қайси футболчи катта саҳнага чиқади? Шуни айтишим мумкинки, "Насаф"да жамоавий ўйин жуда кучли йўлга қўйилган. Шу боис бирор футболчини ажратиб кўрсатмоқчи эмасман. Тарихий натижа такрорланишини кутмоқдаман. Жамоанинг ёш футболчилари учун финал ҳақиқий тажриба ва реклама бўлади. Ушбу учрашув орқали насиб бўлса, 2-3 футболчи легионер бўлишини тилаб қоламан. Финалда фаворит, аутсайдер, мезбон ёки меҳмон деган тушунчалар ўз кучини йўқотади. Худодан омад тилаб қоламан. Бунда катта иштиёқ, ғалабага бўлган ишонч, хоҳиш асосий планга чиқади. 

Шерзод Аъзамов - Финалда имкониятлар тенг. Битта ўйинда ҳамма нарса бўлиши мумкин. "Насаф" ютишига умид қиламан ва жамоага омад тилайман. Менимча Ҳусниддин Алиқулов жуда катта йўқотиш, деб ўйлайман. Боиси стандарт вазиятларда Алиқуловда устунлик бўларди. Ҳимоя ва ҳужумда боши билан яхши ҳаракат қилади.

Аль-Мухаррак

Кубок АФК - финальная стадия . Тур final 05/11/2021, 21:00 0 : 3 Завершен

Насаф Карши

45'

90'

Открыть в Матч-Центре

Абдулазиз Искандаров