Фердинанд: “Реал"га йўл олишидан олдин уни МЮга ўтишга кўндиргандим, аммо ...”

“У билан Мадридга ўтишидан олдин гаплашгандим. Доимо ҳар қандай футболчини ўзимизга жалб қилоламан деб ўйлагандим. Унга: “Эшит, МЮга ўтишинг лозим”, дедим. У эса: “Ҳа, “Юнайтед”даги биринчи хорватиялик футболчи бўлишни хоҳлайман. Буни ҳал қила оласанми?”, деб жавоб қайтарди.

Аммо Фергюсон ўшанда бошқа қайсидир ўйинчи билан келишиб қўйганди, шу туфайли Модрич “Реал”га йўл олди, қолгани эса тарихга айланди. Аммо мен у эришган чўққига чиқади деб ҳеч ўйламагандим! Қандай ажойиб футболчи!

Шу билан бирга Тьяго Алькантарани ҳам кўндирмоқчи бўлганман, у билан “Барселона”дан “Бавария”га ўтишидан олдин кўришгандим. Бу деярли амалга ошганди, лекин биз Феллаини билан шартнома имзоладик”, дейди Фердинанд.