Дембеле йилига 15 млн евролик маошга қарамай, "Ньюкасл"га ўтмоқчи эмас. Унга қизиқарли спорт лойиҳаси керак

Француз айни дамда унга йилига 15 миллион евро ва ўтиши учун 15 млн евро таклиф қилаётган "Ньюкасл"нинг таклифига қизиқиш билдирмаяпти.

Дембеле қизиқарли спорт лойиҳаси олмоқчи ва ҳали "Ньюкасл" буни таклиф қила олмайди деб ҳисобламоқда.

"Барселона" "Ньюкасл"нинг Дембеленинг агенти билан алоқага чиққанини билади. Клуб Усмон билан янги шартнома борасида музокараларни давом эттирмоқда, аммо томонлар ҳали келишувга эришишмади.

Бунга қарамай, "Барса"нинг позицияси бу борада "Ньюкасл"никидан яхшироқ. Дембеленинг амалдаги шартномаси 2022 йилнинг июнига қадар мўлжалланган.

24 ёшли футболчи жорий мавсум Ла Лигада ҳали майдонга тушмади.