Деку: "Мен "Барселона"га Лапортанинг қайта қуриш ҳақидаги лойиҳасига ишониб келганман"

Жоан Лапортанинг рақобатчиси Виктор Фонт агар ғалаба қозонса, Деку спорт директори лавозимида қолмаслигини айтганди. Деку эса бу баёнотларга муносабат билдирди.

"Барселона" собиқ футболчиси ўриндиққа ёпишиб олмаганини, у Лапорта лойиҳасини амалга ошириш учун келганини таъкидлади. Бу қарорни у ихтиёрий равишда қабул қилган.

"Бундай гапларга баҳо беришни истамайман. Мен бу ерга Жоаннинг қайта қуриш ҳақидаги лойиҳасига ишониб келганман ва ҳозир эса Лапортанинг барқарорлаштиришга қаратилган лойиҳасига ишонганим учун қолмоқдаман.

Агар Жоан бу ерда бўлмаса, албатта ҳамма нарса ўзгаради ва унда мен ҳам қолмайман. Гап Виктор Фонт ёки бошқа биров ҳақида эмас. Гап мен нимага ишонишим ва шахсий ҳаётим ҳақида. Агар нимадир шахсий ҳаётимга тўғри келмаса, кетаман — ва тамом.

Менда танлов эркинлиги бор. Мен бу вазиятнинг қурбони эмасман. Бу ерга ғоя учун келганман, чунки мен Барселонаданман ва ёрдам беришни истаганман. Лапорта лойиҳасига ўз ҳиссамни қўша олишимга ишонганман", – деди Деку.