Де Брюйне 4 ойдан кейин "Наполи" машғулотларига қайтди
03 мар 13:23
Новости

Де Брюйне 4 ойдан кейин "Наполи" машғулотларига қайтди

Теги : Бельгия Наполи А Серия Кевин де Брюйне

"Наполи" ярим ҳимоячиси Кевин Де Брюйне узоқ тикланишдан сўнг асосий жамоа машғулотларига киришди.

Де Брюйне октябрь ойи охирида "Интер"га қарши ўйинда (3:1) пенальтини амалга оширганидан кейин жароҳат олганди. Кейинроқ бу мушакнинг жиддий шикастланиши экани аниқ бўлиб, операция ва узоқ реабилитацияни талаб қилди.

Де Брюйне тикланиш даврининг катта қисмини Бельгияда ўтказди, аммо ўтган ҳафта Италияга қайтди. Жароҳат олганидан 128 кун ўтгач, футболчи умумий гуруҳда шуғулланишни бошлади.

"La Gazzetta dello Sport" маълумотларига қараганда, ўйинчининг жисмоний ҳолати кутилганидан яхшироқ баҳоланмоқда. Футболчи Италия чемпионатидан ўрин олган "Торино" билан ўйин қайдномасига киритилиши мумкин.

Ярим ҳимоячи жорий мавсум А Серияда 8 та ўйин ўтказган.

Ссылка :

Источник : La Gazzetta dello Sport

Получайте новости прямо в Telegram!

Рейтинг: +2