Coca Cola Суперлигаси. "Қизилқум" 10 киши бўлиб "Насаф" билан дуранг ўйнади
14 сен 2019 20:22
Новости

Coca Cola Суперлигаси. "Қизилқум" 10 киши бўлиб "Насаф" билан дуранг ўйнади

Coca Cola Суперлигасининг 19-туридан ўрин олган "Қизилқум" – "Насаф" учрашуви бўлиб ўтди.

Учрашувнинг натижасини шу саҳифада кузатиб бориш мумкин.

Учрашувнинг 4-дақиқасида Бобир Абдиҳолиқовнинг жарима майдончаси ичидан йўллаган зарбаси кучли ва аниқ чиқди, Черемисин тўпни эгаллаб олди.

16-дақиқада Сардор Абдураимовнинг узоқ масофадан йўллаган кучли зарбаси дарвоза устуни олдидан ўтиб кетди.

26-дақиқада Бобир Абдиҳолиқовнинг чамаси 16 метрлар узоқликдан йўллаган зарбаси дарвоза устуни олдидан ўтиб кетди. 29-дақиқада Хуршидбек Мухторовнинг зарбаси аниқ бўлгани йўқ.

39-дақиқада Стивен Лустицанинг ажойиб зарбаси дарвоза тўсинини титратди.

45-дақиқада Бобир Абдиҳолиқовни очиқчасига қўполилк ишлатиб тўхтатиб қолган Азизбек Усмонов майдондан четлатилди.

68-дақиқада Бобир Абдиҳолиқов 2-3 метрлардан бўш қолган дарвозага тўпни тўғирлаб қўя олмади.

79-дақиқада Дилшод Саитовнинг узоқ масофадан кутилмаганда йўллаган кучли ва аниқ зарбасини Черемисин бартараф этди.

80-дақиқада Азизжон Ғаниевнинг ерлатиб йўллаган зарбасини Черемисин осонлик билан эгаллаб олди.

90+1-дақиқада Достон Ибрагимов рақиб ҳимоячисини хато қилишга мажбур қилди ва дарвозабон билан бирга бир вазиятга чиқиб бориб узоқ бурчакка зарба берди. Неъматов жамоасини муқаррар голдсан сақлаб қолди.

Ўйинда ҳисоб очилмади - 0:0.

“Қизилқум” – “Насаф” 0:0
14 сентябрь 2019 йил. Навоий, "Ёшлар" стадиони. 18:30
Ҳакамлар: Азиз Асимов, Руслан Серазетдинов, Равиль Шояхмитов, Раҳимбек Каримов
Назоратчи: Ғайрат Каримов
Комиссар: Алишер Файзиев

"Қизилқум": Евгений Черемисин, Алишер Саноев, Лаша Тотадзе (Файзулло Қамбаров, 23), Стевен Лустица (Саиджамол Давлатжонов, 46), Салим Мустафоев, Муҳсин Убайдуллаев, Шерали Жўраев, Азизбек Усмонов, Руслан Маргиев, Мате Ватсадзе (Суннатилла Абдуллажонов, 86), Достон Ибрагимов.
Захира: Артём Макосин, Акмал Рустамов, Ҳумоюн Абдуалимов, Миржалол Қосимов, Воҳид Шодиев, Суҳробжон Ярашев.

"Насаф": Абдувоҳид Неъматов, Ғолиб Ғайбуллаев, Азизжон Ғаниев, Ҳумоюн Муртозаев, Бобир Абдихолиқов, Шароф Муҳитдинов, Дониёржон Нарзуллаев (Дилшод Саитов, 46), Сардор Абдураимов (Ислом Рашидхонов, 75), Хуршидбек Мухторов, Шерзод Насруллаев, Умар Эшмуродов.
Захира: Машҳуржон Муҳаммаджонов, Азамат Соибов, Ҳусниддин Алиқулов, Алишер Юсупов, Ислом Кенжабоев, Акмал Мозговой, Ойбек Бозоров.

Огоҳлантиришлар: Ғолиб Ғайбуллаев 75.

Четлатиш: Азизбек Усмонов 45.

Кызылкум

Суперлига. Тур 19

14/09/2019, 18:30

Завершен

Насаф

45'

90'

Открыть в Матч-Центре