Беларусь чемпионати. "Энергетик-БГУ" Абдихолиқовнинг сўнгги дақиқада урган голи эвазига ғалаба қозонди
17 июн 2022 22:02
Новости

Беларусь чемпионати. "Энергетик-БГУ" Абдихолиқовнинг сўнгги дақиқада урган голи эвазига ғалаба қозонди

Беларусь Олий лигасининг 11-туридан ўрин олган "Белшина" — "Энергетик-БГУ" учрашуви якунланди.

Муросасиз кечган учрашувнинг 90+4 дақиқасида Бобир Абдихолиқов рақиб дарвозасини ишғол қилиб, жамоасига қимматли уч очкони тақдим этди. Қайд этиш жоиз, меҳмонлар сафида ўзбекистонлик уч нафар футболчи — Абдуқодир Ҳусанов, Шоҳруҳ Абдураҳмонов ва Бобир Абдихолиқов учрашувни асосий таркибда бошлади ва учрашувда тўлиқ иштирок этишди. Қолаверса, Абдураҳмонов ягона голга ассистентлик қилди, шунингдек, биринчи бўлимнинг 38-дақиқасида ҳакам томонидан огоҳлантирилди.

"Энергетик-БГУ" айни дамда 25 очко билан чемпионат пешқадами бўлиб турибди. Икки очко кам тўплаган, бироқ икки ўйин кам ўтказган БАТЭ иккинчи поғонадан ўрин олган. Мағлубиятга учраган "Белшина" эса 11 очко билан 11-ўринда жойлашган.

Ссылка :

Источник : championat.asia

Получайте новости прямо в Telegram!

Рейтинг: +18