"Бавария" "Интер" билан Иван Перишичнинг ижараси борасида музокаралар олиб бормоқда

Бу ҳақда журналист Жанлука Ди Марцио маълум қилди. У битим борасидаги музокаралар кўтаринки руҳда давом этаётганини айтиб ўтди.

Мюнхенликлар футболчини бир йилга ижарага олишмоқчи.

Ўтган мавсумда Иван жамоаси таркибида 45 ўйинда қатнашиб, 9 гол урди ва 8 голга ассистентлик қилди. Хорватиялик ўйинчининг клуб билан тузган шартномаси 2022 йилга қадар амал қилади.

Олдинроқ,  футболчига "Монако" клубидан жиддий қизиқиш бўлган эди.