“Барселона”га қарши ўйин олдидан ПСЖда яна бир жиддий йўқотиш

ПСЖ футболчиси Неймар Франция кубоги 1/32 финал доирасида "Кан"га қарши ўтган ўйинда жароҳат олганди.

Тиббий текширувлар натижасида, бразилияликнинг чап оёқ мушаклари шикастлангани маълум бўлди. Неймар сафга қайтиши учун 4 ҳафта талаб қилинади.

Шу тариқа, 29 ёшли футболчи ЕЧЛ 1/8 босқичидан ўрин олган “Барселона”га қарши сафардаги учрашувни ўтказиб юборади. Жамоалар ўртасида жавоб ўйини эса 10 мартга белгиланган.

Аввалроқ, ПСЖнинг яна бир етакчиси Анхель ди Мария ҳам “Камп Ноу”даги учрашувда жамоасига ёрдам беролмаслиги маълум бўлганди.