"Барселона" Ямалга 10-рақамни беришга қарор қилди
27 июн 2025 15:44
Новости

"Барселона" Ямалга 10-рақамни беришга қарор қилди

Теги : Барселона 10-рақам Ла Лига Ламин Ямаль

Яқин кунларда "Барселона" вингер Ламин Ямаль янги мавсумда 10-рақам остида ўйнашини расман эълон қилади, деб хабар берди "Mundo Deportivo".

27 май куни клуб 17 ёшли испаниялик билан шартномани 2031 йилгача узайтирди.

2 июль, сешанба куни каталонияликларнинг янги уй либоси тақдим этилади. Клуб Ямалга 10-рақам бериш қарори клубнинг футболкалар савдосидан тушадиган даромади ошишига умид қилмоқда.

2021 йилдан бери "Барселона"даги 10-рақам бу ёзда "Монако"га ўтиши мумкин бўлган Ансу Фатига тегишли. Бунгача Лионель Месси, Роналдиньо, Диего Марадона, Хуан Роман Рикельме, Ривалдо, Ромарио, Христо Стоичков ва бошқалар ушбу рақамда ўйнаган.

Ямаль 2024/25 йилги мавсум барча турнирларда 55 ўйин ўтказиб, 18 та гол урган ва 25 та голли узатмани амалга оширган эди.

Ссылка :

Источник : Mundo Deportivo

Получайте новости прямо в Telegram!

Рейтинг: +9