"Барса" ўз ярим ҳимоячиси билан шартномани бекор қилмоқчи

"Барселона" Ориол Ромеу билан шартномани бекор қилиши мумкин. Marca’нинг хабар беришича, клуб бош мураббийи Ханс-Дитер Флик "Жирона"дан ижарадан қайтган 33 ёшли ярим ҳимоячини жамоада кўрмаяпти. Яқин кунларда футболчи ва мураббий учрашув ўтказадилар.

Таъкидланишича, "Барселона" Ромеу билан 2026 йилда тугайдиган шартномани узайтиришни режалаштирмаяпти - ярим ҳимоячи билан хайрлашишнинг турли вариантлари, жумладан шартномани бекор қилиш ҳам кўриб чиқилмоқда. Шу билан бирга, "Жирона" бош мураббийи Ориол Ромеуни келгуси мавсумда ҳам ўз жамоасида кўришни хоҳлаяпти. Барча томонлар футболчининг келажаги масаласини "Барселона"нинг Осиё турнеси бошланишидан олдин ҳал қилишга интилмоқда.