Айбек Нурбаев: "Ўз хатоларимиз эвазига голлар ўтказиб юбордик"

- Ўйин ҳақида

- Авваламбор, барча футбол мухлисларини Про лига янги мавсумининг очилиши билан табриклайман. Ўйинга келадиган бўлсак, "Арал"га қарши тенгма-тенг ўйнай олдик деб ҳисоблайман. Голларни ўз хатоларимиз эвазига ўтказиб юбордик. Таркибимиз ўзимизнинг маҳаллий ёш футболчилардан иборат. Шундай бўлса ҳам кучли жамоага қарши муносиб қаршилик кўрсата олдик.

- "Жайхун" жамоаси биринчи бўлимда яхши ўйин кўрсатаётганди. Иккинчи бўлимда чарчаб қолгандек кўринди ...

- Йўқ, мен бундай деб айтмаган бўлардим. Биз ҳар икки бўлимда ҳам тенгма-тенг ўйнай олдик. Голлар ўз хатоларимиз эвазига юзага келди. Йигитларда чарчоқ сезилгани йўқ, биз охирги дақиқаларга қадар жисмоний жиҳатдан фаоллик кўрсатдик.

- Бир неча кундан кейин "Жайхун" Ўзбекистон Кубогидаги юришини бошлайди. Жамоа олдида ушбу турнирдаги мақсад қандай?

- Биз ҳар бир ўйинга максимал тайёрланамиз. Кубокда битта уй, иккита сафар учрашувимиз бор. Айтиб ўтдим, таркибимиз ёш футболчилардан шаклланган. Бу йилдан Про лигада ўйнаймиз, бу кичкина чемпионат эмас, муносиб иштирок этишимиз лозим.

- Асадилло Қуттибоев захирага олинганига сабаб нима?

- Асадилло Қуттибоев иқтидорли футболчи. Олдиндаги ўйинларини ўзини кўрсатишига шубҳамиз йўқ. Бугун негадир ўз даражасида ўйнай олмади. Шу боис уни захирага олдик.