"Астон Вилла" МЮга Грилишнинг нархини маълум қилди
17 июн 2020 10:21
Новости

"Астон Вилла" МЮга Грилишнинг нархини маълум қилди

"Астон Вилла" ўз сардори Жек Грилишнинг сотувидан 80 миллион фунтдан кам ишламоқчи эмас.

24 ёшли хавбек учун бош даъвогар сифатида "Манчестер Юнайтед" клуби кўрилмоқда. Грилиш "қизил иблислар" уни ёздаги асосий трансфер мақсади сифатида кўришларига ишониб, февралдаёқ манчестерликлар сафига ўтишга розилик билдирганди.

Олдинроқ, МЮ вице-президенти Эд Вудворд коронавирус пандемияси туфайли ёзда катта трансферлар бўлмаслиги ҳақида огоҳлантирган эди. Вудворд айнан Харри Кейн ва Жейдон Санчоларнинг трансферига шама қилганди.

Грилиш жорий мавсум жамоаси сафида 31та ўйинда майдонга тушиб, 9та гол ва 8та ассист қайд этди. Унинг клуб билан тузган шартномаси 2023 йилнинг ёзига қадар мўлжалланган.

Ссылка :

Источник : Daily Mail

Получайте новости прямо в Telegram!

Рейтинг: +10