Араухо катта хатога йўл қўйди ва твиттерда кулгига қолди

"НАЧОДАН ҚАНДАЙ ХАТО?! У жарима майдончасида ухлаб қолди ва катта тартибсизликка сабаб бўлди", - деган ёзув Араухонинг твиттерида пайдо бўлди. Бу аслида "Marca" нашрининг ўйинга бўлаётган матнли трансляцияси эди ва "Marca"нинг ўзида ҳам пайдо бўлди.

Ўйиндан кейин Араухо ўша постни ўчириб ташлади ва унинг профили "взлом" бўлганини маълум қилди, бироқ ҳеч ким унга ишонмади. Катта эҳтимол билан "адашиш" шу тариқа содир бўлган: "Marca"нинг матнли трансляциясидаги ҳар бир иборасида "Твиттерга жўнатиш" тугмаси бор. Рональд ушбу хабарни твиттердаги дўстларига ташламоқчи бўлган, бироқ у твитга айланиб кетган. Кейинчалик "взлом" бўлиш вазиятдан чиқиб кетишнинг осон йўли деб ўйлаган.

"АРАУХОДАН ҚАНДАЙ ХАТО?! У твиттерда ухлаб қолди ва катта тартибсизликка сабаб бўлди".