Англиянинг 3 та клуби Гарначога қизиқмоқда
16 июн 14:36
Новости

Англиянинг 3 та клуби Гарначога қизиқмоқда

"Манчестер Юнайтед" вингери Алехандро Гарначо Англия Премьер-лигасининг бошқа клубига ўтиши мумкин.

"Қизил иблислар" ёзда аргентиналик футболчи учун таклифларни тинглашга тайёр. Журналист Саймон Жонс хабарига кўра, "Челси", "Астон Вилла" ва "Тоттенхэм" Гарначони сафига қўшиб олмоқчи. 20 ёшли футболчига Италиянинг "Наполи" клуби ҳам қизиқиш билдирмоқда.

Transfermarkt маълумотларига кўра, Алехандро Гарначо 45 миллион еврога баҳоланган. Футболчининг "Манчестер Юнайтед" билан амалдаги шартномаси 2028 йилнинг ўрталарига қадар тузилган.

Гарначо ўтган мавсум МЮ таркибида 58 ўйинда қатнашиб, 11 та гол урди ва 10 та голли узатмани амалга оширди.

Ссылка :

Источник : BBC

Получайте новости прямо в Telegram!

Рейтинг: +4