"Ал Ҳилол" – "Навбаҳор" ўйини Намангандаги стадионда монитор орқали намойиш қилинади
17 сен 2023 18:27
Новости

"Ал Ҳилол" – "Навбаҳор" ўйини Намангандаги стадионда монитор орқали намойиш қилинади

Хабарингиз бор, "Навбаҳор" эртага Осиё Чемпионлар Лигаси гуруҳ босқичи доирасидаги баҳсларни бошлайди ва илк ўйинини сафарда Саудия Арабистонининг "Ал Ҳилол" клубига қарши ўтказади.

"Мазкур учрашувга қизиқиш юқорилиги, қолаверса, наманганлик мухлисларнинг талаб ҳамда истакларига биноан Наманган вилояти ҳокими, вилоят футбол ассоциацияси президенти Шавкат Шокиржанович Абдураззоқов, шунингдек, клуб раҳбарияти ташаббуси билан "Навбаҳор" уй учрашувларини ўтказадиган "Марказий" стадионидаги катта мониторда "Ал Ҳилол" – "Навбаҳор" ўйинини жонли эфирда намойиш этиш режалаштирилмоқда ва бу борада ишлар олиб борилмоқда.

Севимли жамоамизни масофадан қўллаб-қувватлашга аҳд қилган мухлисларни эртага "Марказий" стадионига таклиф этамиз", – дейилади клуб хабарида.

Эслатиб ўтамиз, "Ал-Ҳилол" – "Навбаҳор" баҳси эртага Тошкент вақти билан соат 23:00 да старт олади.

Ссылка :

Источник : "Навбаҳор" матбуот хизмати

Получайте новости прямо в Telegram!

Рейтинг: +6