Мессининг карточкаси рекорд даражадаги суммага сотилди
15 сен 19:59
Новости

Мессининг карточкаси рекорд даражадаги суммага сотилди

Аргентиналик футболчи Лионель Мессининг 2004/05 йилги Panini журнали тўпламидаги коллекцион карточкаси Fanatics Collect онлайн-аукционида 1,5 миллион долларга сотилди ва рекорд қайд этилди.

Бу ҳақда ESPN нашри хабар берди.

Таъкидланишича, аввалги рекорд бразилиялик Пеленинг карточкасини сотишда кузатилган. Бунинг учун 2022 йилда 1,33 миллион доллар тўланган.

Аргентина терма жамоаси таркибида Месси ЖЧ-2022, Америка Кубоги (2021, 2024), Финалиссима (2022) ва Олимпиада (2008) ғолиби бўлган. Ҳужумчи терма жамоанинг энг яхши тўпурари ва ўйинлар сони бўйича рекордчиси ҳисобланади. Футболчи Жаҳон чемпионатларида ўтказилган ўйинлар сони бўйича ҳам рекордчи ҳисобланади. 2023 йилдан бери Месси Американинг "Интер Майами" жамоасида ҳаракат қилмоқда.

Аввалроқ Ўзбекистон миллий терма жамоаси Panini билан ҳамкорлик қилиши эълон қилинган эди.

Ссылка :

Источник : ESPN

Получайте новости прямо в Telegram!

Рейтинг: +6