"Актобе" украин клубига мағлуб бўлган баҳсда Игор Сергеев...
26 фев 2021 20:06
Новости

"Актобе" украин клубига мағлуб бўлган баҳсда Игор Сергеев...

Қозоғистоннинг “Актобе” жамоаси Туркия йиғини доирасидаги сўнгги назорат учрашувини ўтказди.

Ақтебеликларнинг рақиби Украина 1-лигаси вакили “Николаев” жамоаси бўлди.

Учрашув украиналикларнинг 3:1 ҳисобидаги ғалабаси билан якунланди. Қозоқ клубининг ягона голга яқинда жамоа таркибига бориб қўшилган Игор Сергеев муаллифлик қилган. Ҳамюртимиз учрашув мобайнида майдонда тўлиқ ҳаракатланди. У ўйин якунида бурчакдан узатилган тўпни боши билан дарвоза тўрига жойлаб қўйди.

“Актобе” энди Қозоғистонга қайтиб, янги мавсумга тайёргарликни давом эттиради. Клуб мамлакат чемпионатининг 1-турини 13 март куни “Каспий” жамоасига қарши ўтказади.