АГМК "Шабаб Ал Аҳли"га қарши ўйинга тайёр - жамоа машғулотидан махсус галерея
24 апр 2021 04:40
Новости

АГМК "Шабаб Ал Аҳли"га қарши ўйинга тайёр - жамоа машғулотидан махсус галерея

Сайтимиз фотомухбири Жаҳонгир Файзуллаев Ар-Риёдда Осиё чемпионлар лигаси гуруҳ ўйинларини ўтказаётган АГМК жамоасининг "Шабаб Ал Аҳли"га қарши ўйин олдидан ўтказган расмий машғулотидан тайёрлаган фоторепортажини эътиборингизга ҳавола қиламиз.

Фото: Жаҳонгир Файзуллаев.

АГМК жамоаси матбуот хизмати берган хабарга кўра, Зафар Полвонов бугунги машғулотда иштирок этган. Хусусан АГМК жамоасининг телеграмдаги канали расмий машғулот ва ўйинолди маълумотлар ҳақида қуйида бўлишди:

Жамоамиз Осиё чемпионлар лигаси 4-тур доирасидаги "Шабаб Ал Аҳли"га қарши ўйинга кўтаринки руҳда тайёргарлик олиб борди.
Бугун маҳаллий вақт билан соат 21:00да машғулот ўтказган жамоамиз тактик ва техник тарафлама ишлади. Шунингдек, ўтган учрашувда жароҳат олиб майдонни тарк этган ҳужумчи Зафар Полвонов бугунги машғулотда қатнашди.
"Шабаб Ал Аҳли"га қарши кечган биринчи давра доирасидаги ўйинда АГМК ажойиб камбэкни амалга ошириб, Жокич ва Комиловнинг голлари эвазига ОЧЛ гуруҳ босқичидаги илк ғалабани тантана қилганди.
ОФК бўлажак учрашув расмийларини эълон қилди. Унга кўра, "Шабаб Ал Аҳли"га қарши кечадиган иккинчи беллашувни эски таниш ҳакам ироқлик Сабаҳ Ал-Қайси бошқаради. Эслатиб ўтамиз, мазкур ҳакам жамоамизнинг плей-офф босқичидаги "Ал Гарафа"га қарши ўйинимизда ҳам ишлаганди. Сабаҳ Ал-Қайси учун бўлажак баҳс жамоамиз иштрокидаги иккинчи ўйинга айланади.
ОЧЛ-2021 гуруҳ босқичи.
"A" гуруҳи, 4-тур.
24 апрель, шанба.
"Шабаб Ал Аҳли" - АГМК (23:59)
Ар-Риёд, "Қирол Фаҳд" стадиони.
Ҳакамлар: Сабаҳ Ал-Қайси (Ироқ), Ҳайдер Али Убайдее (Ироқ), Амир Давуд Алвиндави (Ироқ), Али Шабан (Кувайт).