JCH-2014. Gollandiya so'nggi daqiqalarda Meksikani mag'lub etdi

Gollandiya va Meksika o'rtasidagi bahs yakuniga etdi. Uchrashuvning birinchi bo'limida ikkala jamoa ham hujumkor o'yin namoyish etmadi. Ayniqsa Gollandiya. Meksika bir ikki marta Silessenni bezovta qilib turdi. Biroq bu harakatlar hisobni ochish uchun etarli bo'lmadi.

Ikkinchi bo'lim Meksika uchun quvonchli boshlandi. Jovanni Dos Santos jarima maydoni tashqarisida ikki nafar raqib o'rtasidan to'pni chap oyog'i bilan darvozaning burchagiga joylab qo'ydi - 0:1.



Endi Gollandiya hujumga o'tishi kutilgandi. SHunday ham bo'ldi, biroq Ochoa degan darvozabon 88-daqiqaga qadar bir necha zarbalardan so'ng to'pni qaytarib turdi.

Aynan 88-daqiqada burchak to'pidan so'ng Xuntelar boshi bilan jarima maydoni yoniga tashlab berdi, Sneyderning kuchli va aniq zarbasi darvozaning burchagiga kirib ketdi - 1:1.



Hakam tomonidan qo'shib berilgan daqiqalarda Aren Robben raqib jarima maydoni ichida Rafael Markes tomonidan yiqitildi. Portugaliyalik hakam tomonidan belgilangan penaltini Klaas Yan Xuntelaar aniq amalga oshirdi - 2:1.



SHunday qilib "lolalar yurti" terma jamoasi irodali g'alabaga erishib chorak finalga chiqdi.

Uning raqibi tunda bo'lib o'tadigan Kosta-Rika - Greciya o'yinidan so'ng malum bo'ladi.



Gollandiya - Meksika 2:1
29 iyun. 21:00
Bosh hakam: Pedro Proensa (Portugaliya)
Yordamchi hakamlar: Bertino Miranda (Portugaliya), Xose Trigo (Portugaliya)
Zaxira hakami: Karlos Vera (Ekvador).

Gollar: Sneyder 88, Yan Xuntelaar 90+4 - Dos Santos 47

Gollandiya: 1.Silessen, 12.Verxag (Depay, 55), 15.Kyuyt, 2.Vlar, 3.de Vrey, 5.Blind, 6.De Yong (Martins Indi, 9), 20.Veynaldum, 10.Sneyder, 9.van Persi, 11.Robben.

Meksika: 13.Ochoa, 22.Agilyar, 15.Moreno (5.Diego Reyes, 46), 2.Fransisko Rodriges, 4.Markes, 7.Layyun, 6.Errera, 3.Salsido, 18.Guardado, 10.Jovani dos Santos (20.Akino, 60), 19.Oribe Peralta (14.Xaver Ernandes, 74).

Ogohlantirishlar: Agilyar 69, Rafael Markes 90+3, Guardado 90+3


Narzulla Saydullaev