JCH-2014. Argentina - SHveycariya. PREVYU

Argentina guruh bosqichida uch bor g'alaba qozondi. Ammo uchala safar ham oson g'alaba qo'lga kiritlgani yo'q. Lionel Messi barcha o'yinlarda jamoasining muhim gollarini urdi.

Ottmar Xitcfeld shogirdlari guruhda Franciyaga yirik hisobda mag'lub bo'lishdi. Qolgan ikki bahsda esa Ekvador va Gonduras ustidan g'alabaga erishgan SHveycariya keyingi bosqchiga chiqdi.



Ikkala jamoa shu bosqichga qadar bir nechta yo'qotishlarga duch keldi. SHveycariyalik markaziy himoyachi Stiv fon Bergen yuz suyagidan jarohat oldi. Sabelya esa mundialda hujumchi Serxio Agueroni maydonga tushura olmaydi. Uning o'rnini Esekel Lavessi to'ldirishi kerak. Bundan tashqari SHveycariya hujumchisi Mario Gavranovich JCH-2014da biron marta ham maydonga tushmay ortiga qaytadigan bo'ldi.


Argentina - SHveycariya
1 iyul. 21:00
Bosh hakam: Yunas Eriksson (SHveciya)
Yordamchi hakamlar: Matias Klasenius (SHveciya), Daniel Varnmark (SHveciya)
Zaxira hakami: Sveyn Oddvar Mun (Norvegiya).

Taxminiy tarkiblar:

Argentina: Romero - Sabaleta, Garay, Fernandes, Roxo - Gago, Maskerano, Di Mariya - Messi, Lavessi, Iguain

SHveycariya: Benalo - Lixtshtayner, SHer, Djuru, Rodriges - Berami, Inler - Djaka, SHachiri, Mexmedi - Drmich  

Jarohat olganlar: Aguero - fon Bergen, Gavranovich



O'yindan oldingi fikrlar

Alexandro Sabelya (Argentina bosh murabbiyi):

"Koncentraciya va balansni qanday qilib saqlab turish kerakligini bilamiz. Albatta, guruh bosqichida xato qilsang boshqa o'yinlarda uni to'g'rilash mumkin. Pley-off o'yinlarida esa bunday emas".

Ottmar Xitcfeld (SHveycariya bosh murabbiyi):

"SHveycariya - Argentinaga qarshi o'yinda yaqqol autsayder, ammo bizning yo'qotadigan hech narsamiz yo'q. Messiga qarshi alohida futbolchi biriktirish? Yo'q. Biz barcha futbolchilarga qarshi o'ynashimiz kerak. SHunda Messini ham to'xtata olamiz".



O'zaro o'yinlar

Ikki jamoa o'zaro 6 marta to'qnash kelishgan. Ustunlik Argentina tomonida. Janubiy Amerika jamoasi 4 bor g'alaba qozongan va 2 marta durang o'ynagan. To'plar nisbati: 14:3

Jamoalar o'rtasidagi oxirgi o'yin (29.02.2012): SHveycariya - Argentina 1:3 (SHakiri - Messi 3ta)

Qiziqarli faktlar

Lionel Messi Braziliyada Jahon chempionatlaridagi 7 o'yinlik golsiz seriyaga barham berib 3ta o'yinda 4ta gol urdi.

Argentina Jahon chempionatlarining 1/8 finalida olti bor o'ynagan. Faqat bir marta (1994 yil Ruminiyaga qarshi) jamoa chorak finalga chiqa olmagan.

SHveycariya esa ikki bor 1/8 finalda o'ynagan va ikklasida ham mag'lub bo'lgan. 1994 yil Ispaniyaga va 2006 yil Ukrainaga.

Argentina guruh bosqichidagi uchta o'yinda 65,6 foiz to'pni o'zida saqlab turgan. Bu natija mundialdagi eng yuqori ko'rsatkich hisoblanadi.


Narzulla Saydullaev tayyorladi