Yurtdoshlarimiz uchun Kievdan xushxabar!

Kecha ushbu turnirga ikki nafar kiberfutbolchimiz Muhammadamin Turg'unboev va Server Sekka yo'l olgani haqida xabar bergan edik.

Ayni damda ushbu musobaqaning yarim final uchrashuvlari bo'lib o'tmoqda. "Bunyodkor" kiberfutbolchisi Muhammadamin Turg'unboev turnirning final bosqichiga chiqdi (bundan so'ng grandfinal bosqichi mavjud). O'zbekiston sharafini himoya qilish uchun Kievga yo'l olgan ikkinchi kibersportchimiz, "Metallurg" vakili Server Sekka esa mag'lublar to'rida yarim finalga chiqdi. Agar u ushbu to'rda mag'lubiyatga uchramasa, grandfinalda ikki o'zbek o'g'loni kuch sinashishi mumkin.

Muhammadamin Turg'unboev, Alimaksumov Alixon (UVSCF vice-prezidenti) va Server Sekka

Muhammadamin Turg'unboev finalda "Ayaks" kiberfutbolchisi Daniga qarshi bahs o'tkazadi. Server Sekka esa mag'lublar to'rining yarim finalida bizga tanish bo'lgan Moskvaning "Lokomotiv" klubi vakili Robert Faxretdinov (Ufenok) bilan o'ynaydi. Ikki hamyurtimizga navbatdagi bahslarda omad tilaymiz!

Musobaqa bahslari quyidagi TWITCH orqali efirga uzatilmoqda:

Turnir natijalarini ushbu vidjet orqali kuzatib borishingiz mumkin: