"Xorvatiya so'nggi bir necha yil ichida katta yutuqlarga erishgan juda kuchli jamoa" - Kuman

Niderlandiya terma jamoasi bosh murabbiyi Ronald Kuman Xorvatiyaga qarshi Millatlar Ligasi yarim final uchrashuvi va turnirdan nimalarni kutayotgani haqida gapirdi.

"Bu biz yuta oladigan sovrin. U allaqachon bizning mamlakatimizda. Ammo stadionda xorvatiyalik muxlislar ko'p bo'ladi, deb eshitgandim, shuning uchun uyimizdagi ustunlik seziladimi yoki yo'qligini ko'ramiz.

Bu o'yinni intiqlik bilan kutyapmiz, chunki u yarim final va biz Niderlandiyada o'ynayapmiz. Bizda yaxshi jamoa bor va finalga chiqish uchun katta kuch bor. Ammo Xorvatiya so'nggi bir necha yil ichida katta yutuqlarga erishgan juda kuchli jamoa, shuning uchun qiyin bo'ladi", – dedi mutaxassis.

Niderlandiya – Xorvatiya uchrashuvi bugun 23:45 da boshlanishi rejalashtirilgan.