Xavining jamoasi nechta o'yindan buyon yutqazmayapti?
19 fev 2020 21:34
Yangiliklar

Xavining jamoasi nechta o'yindan buyon yutqazmayapti?

Teglar : Al Sadd Xavi

Kecha, OCHLning 2-turi doirasida Xavi murabbiyligidagi “Al Sadd” (Qatar) o'z maydonida “Sepaxon”ni (Eron) yirik hisobda (3:0) taslim etdi.

Doha shahri klubi ispaniyalik mutaxassis boshqaruvida barcha musobaqalarda qatorasiga 9 o'yindan buyon mag'lubiyat nimaligini bilmay kelishmoqda.

8 bahsda “Al Sadd”ning qo'li baland kelgan (5tasida yirik hisob bilan) bo'lsa, CHempionlar Ligasining ilk turi doirasida “Al Nasr”ga qarshi safarda bo'lib o'tgan uchrashuvda jangovar durang (2:2) qayd etilgan.

Jamoa hozirda OCHLning “D” guruhida 4 ochko bilan peshqadam bo'lib turibdi. Qatar Yulduzlar Ligasida esa Xavi shogirdlari 14-turdan keyin 30 ochko bilan 3-o'rinda borishmoqda. SHuningdek, “Al Sadd” mamlakat Kubogining chorak finalida Sardor Rashidov o'ynayotgan "Qatar SK"ni penaltilar seriyasida mag'lub etib, yarim finalga yo'l olgan.