Xalifa Ababakar - "Nasaf" - "Al Jayish" uchrashuvining eng yaxshi futbolchisi

"Nasaf" - "Al Jayish" o'rtasidagi kechgan bellashuvning eng yaxshi futbolchisi deb qatarliklar darvozaboni Xalifa Ababakar topildi.

Ushbu darvozabon o'yin davomida havodagi barcha to'plarni egallashda va xavflarni bartaraf etishda jonbozlik ko'rsatdi.

"Biz Qarshiga kamida ochko qo'lga kiritish uchun tashrif buyurgandik. Yakunda bir ochkoni qo'lga kiritdik. G'alaba qozonishni ham istagandik, biroq yakuniy natija biz uchun qoniqarli bo'ldi. Stadiondagi ajoyib muxlislik va muhit menga maqul keldi. O'yinning eng yaxshi futbolchisi bo'lganim va safardan kerakli natija bilan qaytayotganimizdan xursandman. Bugun darvozam tomon u qadar ko'plab xavfli vaziyatlar yaratilmadi. Bunda jamoadoshlarimning hissasi katta bo'ldi", - dedi Xalifa Ababakar.