"Voha futboli". Eldor Suyunov kecha Noyerga "muxlislik" qildi

"Mashal": Qashqadaryo ikkinchi ligasida ikki jamoamiz ishtirok etadi

Qashqadaryodagi ikkinchi liga bahslari ham start oldi. Ushbu mavsumda viloyat chempionatida "Mashal"ning ikki jamoasi ishtirok etadi. Ikkinchi liga ikki guruhga bo'lingan holda guruh bahslarini o'tkazadi. "Mashal"ning "Mashal-A" va "Mashal-3" jamoalari "A" guruhida o'yinlarini olib boradi.

"A" guruhida "Mashal"ning ikki jamoasidan tashqari "Alanga-2", "Nuriston", "Olimpiya", "Binokor", "SHo'rtan-99", "SHo'rtan-FM", "Nasaf-99", "Nasaf-FM" ham ishtirok etadi.
"Mashal-A" jamoasini Mikola Lapa boshqarib borsa, "Mashal-3" jamoasining bosh murabbiyi Baxtiyor Sattorov bo'ladi.



"SHo'rtan": Rustam Azamov Moskvadan qaytib keldi

G'uzorning "SHo'rtan" klubi oliy liganing 8-turidan o'rin olgan "Olmaliq" klubiga qarshi bahsga tayyorgarlikni davom ettirmoqda.

Muxtor Qurbonov boshchiligidagi jamoa seshanba kundan boshlab G'uzorda mashg'ulotlarga kirishdi. Tarkibda faqat Rustam Azamov jarohat olgan. Kuni kecha himoyachi Moskvada jarrohlik amaliyotini o'tab qaytib keldi. Azamov birinchi davra oxirlarida yakka tartibda shug'ullanishni boshlaydi.

Eslatib o'tamiz, "SHo'rtan" - "Olmaliq" uchrashuvi 10 may kuni soat 17:30da boshlanadi.



"Nasaf": Eldor Suyunov kecha "Barselona" - "Bavariya" uchrashuvini do'stlari bilan tomosha qildi

Qarshining "Nasaf" klubi darvozaboni Eldor Suyunov kecha Evropa chempionlar ligasi yarim finali doirasidagi "Barselona" - "Bavariya" o'yinini sinfdosh do'stlari bilan tomosha qildi. Eldor hech qaysi klubga muxlislik qilmadi. U asosan Myunxen klubi posboni Manuel Noyerning harakatlarini kuzatdi.


"Voha futboli" klublar matbuot xizmati yordamida har kuni berib boriladi.