Vodiy futboli. 21-tur oldidan malumotlar

"Qo'qon-1912": "Mashal"ni 5 marta mag'lub etganmiz

“Qo'qon-1912” va “Mashal” oliy ligada 7 bora to'qnash kelishgan. Natijalar voha klubining ustunligini ko'rsatmoqda. “Mashal” ushbu raqibni 5 marta mag'lub etgan. Bitta o'yinda durang qayd etilgan. “Qo'qon-1912” hisobida bitta g'alaba mavjud. 

“Qo'qon-1912” maydonida bo'lib o'tgan 3ta o'yinning bittasida mezbonlarning qo'li baland kelgan. Bir uchrashuvda durang qayd etilgan. Bir bor Muborak klubi safardan g'alaba bilan qaytgan.  

"Navbahor": “Lochinlar” oxirgi uch yilda Samarqandda g'alaba qozona olishmagan

“Dinamo” va “Navbahor” oliy ligada 43 bora to'qnash kelishgan. Natijalar vodiy klubi ustunligini ko'rsatmoqda. “Lochinlar” 23ta o'yinda g'olib bo'lishgan, 8ta o'yin durang hisobida yakunlangan. 

“Navbahor” Samarqandda 7 marta g'alaba qozongan. 12ta uchrashuvda “Dinamo” muvaffaqiyatga erishgan. Qolgan ikki bahsda tomonlar murosa ko'chasini tanlashgan. “Lochinlar” oxirgi uch yilda Samarqandda g'alaba qozona olishmagan. 

"Neftchi": Safarda “So'g'diyona”ni 9 bor mag'lub etib qaytgan 

“So'g'diyona” hamda “Neftchi” oliy ligada 39 bora to'qnash kelishgan. SHulardan 26tasida farg'onaliklar g'olib bo'lishgan, 5ta o'yinda “So'g'diyona” g'alabani tantana qilgan. O'zaro o'yinlarda 8 marta durang natijasi qayd etilgan. 

“So'g'diyona” o'z maydonida bu raqibni 4 marta mag'lub etgan. Besh marta durang qayd etilgan. “Neftchi” safarda “So'g'diyona”ni 9 bor mag'lub etib qaytgan. 

"Andijon" o'z maydonidagi oxirgi 8ta o'yinda “Qizilqum”ni 8 bor mag'lub etgan

“Andijon” va “Qizilqum” oliy ligada jami 27 bora to'qnash kelishgan. Natijalar “Qizilqum”ning ustunligini ko'rsatmoqda. Navoiyliklar 14 ta o'yinda g'olib bo'lishgan. 2ta o'yinda durang qayd etilgan. 11 uchrashuvda esa “Andijon” zafar quchgan. 

“Andijon” o'z maydonida “Qizilqum”ni 10 bor mag'lub etgan. Bitta uchrashuvda durang qayd etilgan. Qolgan 2 uchrashuvda Navoiy klubi safarda g'alabaga erishgan. Vodiyda o'tgan oxirgi 8ta o'yinda “burgutlar” 8 bor zafar quchishgan.