Vlado Radmanovich: "Eron bilan solishtirganda, ustunlik bizda"

O'yin haqida

Ikki xil taym guvohiga aylandik. O'z darvozamizdan dastlab gol o'tkazib yuborganimizga qaramay, yigitlarda o'ziga bo'lgan ishonch kamaymadi. Taym boshida o'zgarishlar amalga oshirdik va bu o'zini oqladi. O'ylashimcha, haqli g'alabaga erishdik. Bugun kamroq o'yin amaliyotiga ega bo'lgan futbolchilarga imkon berishga harakat qildik.

Eldor SHomurodov: Birinchi bo'limda jarimadan gol o'tkazib yuborganimizga qaramay, yomon o'yin ko'rsatmadik. Ikkinchi bo'limda esa tempni oshira oldik va yakunda g'alaba qozondik. 

— Katanecning ahvoli qanday? U finalga etib kela oladimi?

V.R: Biz u bilan domiy aloqadamiz. Katanecning ahvoli yaxshi. Yaqinda uning o'g'li Sloveniyadan etib keldi. Uning aytishicha, Srechkoning salomatligi yaxshi. 

— Eronning kuchli tomonlari nimada?

— SHaxsan Eronni yaxshi bilaman. Iroq terma jamoasida ishlagan paytimiz ular bilan uch marotaba to'qnash kelganmiz. O'ylashimcha, imkoniyatlar 60/40, ustunlik bizda.

— Finalda ham tarkib borasida rotaciya ko'rishimiz mumkinmi?

— Hal qiluvchi o'yin muhim ahamiyatga ega bo'lgani bois unda asosiy tarkib maydonga tushadi.