Viktor Karpenko: "Paxtakor" kabi raqiblar bilan o'yinlar oldidan futbolchilarga ortiqcha motivaciya berish shart emas"

"Xayrli kech. Muxlislarni g'alaba bilan tabriklayman. CHunki "Bunyodkor" ular uchun o'ynaydi. Yigitlar oxirigacha kurashishdi va xaqli g'alabaga erishishdi. Ikki xil bo'lim guvohi bo'ldik. Birinchi bo'limdan farqli ravishda ikkinchisida vaziyatlar ko'p yaratdik. O'ylaymanki, o'yin muxlislarga manzur keldi", - dedi Karpenko.

- Futbolchilarni o'yindan avval va tanaffusda qanday ruhlantirdingiz?

- "Paxtakor" bilan o'yinlarga ortiqcha motivaciya shart emas. Bu jamoa yurtimiz bayroqdori. O'zbekistonning ko'p karra chempioni. Yigitlarning o'zi barchasini his qilib turgandi. 

- Dilshod Jo'raev va tarkibdagi yo'qotishlar haqida...

- Dilshod Jo'raev angina bilan kasallandi. Umuman olganda Safoev va Jo'raev sog'ligi bilan bog'liq muammosi bor. Boshqa yo'qotishlar yo'q.