Vadim Abramov "Bunyodkor"da qoladi

Yil boshidan buyon "Bunyodkor" jamoasini boshqarib kelayotgan tajribali mutaxassis qisqa vaqt ichida "qaldirg'ochlar" bilan etiborga molik natijalarga erishdi. Superliganing 20-turidan keyin jamoa turnir jadvalida 3-o'rinni egallab turishi, O'zbekiston Kubogi bahslarida yarim finalga qadar etib kelishi so'zimizga isbot bo'la oladi. Vaholanki, jamoaning bugungi kundagi tarkibidan asosan akademiya tarbiyalanuvchilari joy olgan.

Malumot o'rnida aytish kerak, Vadim Abramov shartnomaga ko'ra, yil oxiriga qadar "Bunyodkor" jamoasi bosh murabbiyi sifatida ham faoliyat yuritadi. Yani, bir vaqtning o'zida ham milliy terma jamoa ham "Bunyodkor" bosh murabbiyi bo'lib ishlaydi. Yil yakunida natijalarga qarab, klubdagi faoliyatini davom ettirish-ettirmasligi ko'rib chiqiladi, deya "Bunyodkor" matbuot xizmati xabar berdi. 

Rasmiy xabar: Vadim Abramov - O'zbekiston terma jamoasi bosh murabbiyi

Vadim Abramov: "Terma jamoa bilan bir umrlik shartnoma tuzdim"