Urugvay termasi texnik hamkorsiz qoldi, jamoa brendsiz liboslarda o'ynamoqda

Urugvay terma jamoasi Puma kompaniyasi bilan hamkorlik shartnomasini uzaytira olmadi va texnik hamkorsiz qoldi. Natijada futbolchilar kiyadigan liboslar hech qanday brend aks ettirilmagan holda ishlab chiqarilmoqda.

UNICEF bilan hamkorlikda ishlab chiqarilgan liboslarda Urugvay futbol associaciyasi logotipi yuqorisida to'rtta yulduz aks ettirilgan.

FIFA ikkita yulduzchani olib tashlash bo'yicha bergan tavsiyasiga qaramay, ikki marta jahon chempionligini qo'lga kiritgan Urugvay to'rt yulduzchadan voz kechmadi. Gap shundaki, mamlakat terma jamoasi ikki mundial chempionligidan tashqari yana ikki marotaba Olimpiya o'yinlari g'olibiga aylangan.