Ummon terma jamoasi Toshkentga etib keldi

Jamoa Toshkentdagi Miran mehmonxonasiga joylashdi.

Ummon terma jamoasi delegaciyasi 35 kishidan iborat bo'lib, uning 23 nafarini futbolchilar tashkil qiladi. Qolgan 12 kishi esa franciyalik mutaxassis Pol Le Guen qo'l rahbarligidagi jamoa murabbiylar shtabini tashkil qiladi.

Eslatib o'tamiz, 27 va 29 may kunlari O'zbekiston milliy terma jamoasi Ummon termasiga qarshi ikkita o'rtoqlik uchrashuvi o'tkazadi. Birinchi o'yin Olmaliq shahridagi yangi qurib bitkazilgan OKMK sport majmuasi stadionida o'tkazilsa, ikkinchi o'yin Toshkentdagi Jar stadionida bo'lib o'tadi. Har ikkala o'yin 19:00da boshlanadi.

Quyida Ummon milliy terma jamoasining Toshkentga kelgan o'yinchilari ro'yxati keltirilgan:

Darvozabonlar: Ali al-Habsiy (Uigan, Angliya), Fayz al-Rushaidiy (Al-Suvaik, Ummon), Mazin al-Kasbiy (Fanja, Ummon);

Himoyachilar: Jobir al-Ovaysiy (Al-SHabab, Ummon), Ali Salim Nahar (Dxofar, Ummon), Abdulsalom Amir (Baniyas, BAA), Muhammad al-Musalamiy (Fanja, Ummon), Hasan Muzaffar (Dofar, Ummon), Sad Suhayd (Fanja, Ummon), Muhsin al-Xaldiy (Saham, Ummon);

Yarim himoyachilar: Ali al-Jabriy (Al-Nahda, Ummon), Iyd al-Forsiy (Al-Nahda, Ummon), Qosim Said (Al-Nasr, Ummon), Ahmad al-Mahaijriy (Fanja, Ummon), Juma al-Mashariy (Al-Oruba, Ummon), Raid Solih (Fanja, Ummon), Muhammad Salim al-Mashariy (Fanja, Ummon), Fahad al-Jalbubiy (Saham, Ummon), Muhammad al-SHeiba (Al-Nahda, Ummon), Husayn al-Xadriy (Riyoz, Saudiya Arabistoni);

Hujumchilar: Sami al-Hasniy (Sur SK, Ummon), Ahmad al-Xusniy (Al-Nasr, Saudiya Arabistoni), Yoqub Abdulkarim (Saham SK, Ummon).