Umidjon Mirshaev: "Bu mavsum FIFA.UZ ga bo'lgan etibor kuchaydi"

FC DIPLOMAT jamoasi bilan oliy ligada uchinchi o'rinni qo'lga kiritgan Umidjon Mirshaev bugun o'z fikrlari bilan o'rtoqlashdi.

"Aslida FIFA.uz ni o'tgan mavsum qiziqib o'ynab ko'rgandim. Biroq oxirigacha etkaza olmadim. Bu mavsumda esa birinchi tur boshlanishidan bir kun oldin tarkib tuzdim va oxirigacha o'ynadim. O'ylab qarasam agar barcha turda Artur Gevorkyanni sardor qilganimda chempion bo'lishim ham mumkin ekan. O'tgan mavsum oliy ligada g'olib chiqqan Azizmirza akadan maslahatlar so'rab turdim.

Bu o'yinning foydali tomoni barcha jamoalarda qaysi futbolchi tushmoqda, qaysi futbolchi paslar bermoqda, qaysi jamoa bu tur gol o'tkazmasligi mumkin... SHularni kuzatib bordim. Umuman olganda FIFA.UZ ga bo'lgan qiziqish kuchaydi".

"O'zbekiston kubogi finali oldidan nima deya olaman? "Bunyodkor" yutishiga umid qilamiz. Bu jamoalar o'rtasidagi o'yinlarda katta hisob qayd etilmagan. Qiziqarli o'yin bo'lib o'tadi deb o'ylayman", - deydi Umidjon Mirshaev.