Ulug'bek Baqoev: "Abdumannopov ketishni xohladi, Norxonovda kichik jarohat bor"

"Muxlislarni ikkinchi davra boshlangani bilan tabriklayman. Birinchi davraning oxirgi turidagi 0:3 hisobidagi mag'lubiyatdan keyin ruhiy tomonlama bugun g'alaba juda muhim edi. Nimadir o'xshadi, nimadir o'xshamadi. Muhimi uch ochkoni qo'lga kiritish edi. Muxlislarni g'alaba bilan tabriklayman va oldinga intilishda davom etamiz", - dedi Ulug'bek Baqoev.

- Ko'pchilik Doniyor Abdumannopovning "Navbahor"ga o'tishi haqida so'ramoqda?
- U bilan suhbatlashdik va klubni almashtirishni xohladi. Jamoamizga bergan yordami uchun rahmat aytamiz va yangi klubida omad tilaymiz. Transferlar futbolning bir qismi, shu bois bu erda hech qanday sirli narsa yo'q.

- Bugun SHohruz Norxonov nega tushmadi?
- O'tgan kuni mashg'ulotda oyog'ini biroz shikastlab oldi. SHu bois bugun maydonga tusha olmadi, unga tezroq sog'ayib maydonga qaytishini tilayman.

- Oldinda ikkita muhim o'yin kutib turibdi.
- "Paxtakor" amaldagi O'zbekiston chempioni. SHu bois raqib kuchli va ularni hurmat qilamiz. Nafaqat "Paxtakor"ni balki barcha klubni hurmat qilamiz.