Ular "sotqin" futbolchilar

Futbolchilar doimo klublarini almashtiraverishadi. bu oddiy hol. Ammo, shunday transferlar bo'ladiki, bir futbolchi ayni jamoasining asosiy dushmani bo'lgan jamoaga o'tadi.

"Manchester Yunayted"dan "CHelsi"ga, "Arsenal"ga, "Tottenxem"ga futbolchi o'tsa, muxlislarning reakciyasi unchalik katta bo'lmaydi. Agarda futbolchi MYUdan to'g'ri "Siti"ga, "Real"dan "Barselona"ga o'tsa, ana vahima boshlanadi.

Futbolda shunday transferlar bo'lgan. Quyidagi transferlardan ko'pchiligini bilsangiz kerak.

1) Sol Kempbell

Sol yoshlik davrlarida "Tottenxem" akademiyasida shug'ullanardi va keyinchalik jamoaning asosiy tarkibiga o'tdi. 9 mavsum davomida u "shporlar" tarkibida 315 o'yinda qatnashdi. Muxlislar uni juda ham yaxshi ko'rishardi. Undan tashqari, u 25 yoshidayoq jamoaning asosiy tayanchi va sardoriga aylanib bo'lgandi.

2001 yilda Sol "Tottenxem"ning ashaddiy dushmani va raqibi hisoblangan "Arsenal" safiga borib qo'shilgani muxlislar uchun qiziqarli va og'riqli bo'ldi. Ikki tomon o'rtasidagi nafrat o'sha paytlarda shunchalar yuqori ediki, hatto muxlislar ham ko'chada janjallar uyushtirishardi.

Ikki jamoa o'rtasidagi ilk o'yinda "Tottenxem" muxlislari Solga atab, "sotqin" bannerini ko'tarib olishdi. SHundan buyon u "Tottenxem" muxlislari tilida shu nom bilan eslanadi.

2) Luish Figu

"Barselona"dagi 5 mavsumlik faoliyatidan keyin Figu jahon darajasidagi top-futbolchiga aylandi. U jamoa bilan 7 sovringa ega chiqdi. Tribuna doimo uni yuqori saviya bilan qarshi olardi. Biroq...

...2000 yilning yozida ularning Figuga bo'lgan muhabbati nafratga aylandi. Mo'maygina taklifdan keyin Figu "ko'k-anorranglilar" safini tark etib, "Real"ga o'tib ketdi.

SHundan buyon u "Kamp Nou"ga qaytsa, muxlislar tomonidan "iliq" qarshi olinadi. U tomon haqoratlar aytilib, turli xil buyumlar otiladi.

3) Karlos Teves

Argentinalikning Angliyadagi faoliyati "Vest Xem"da boshlangan. Biroq tez fursatlarda uning o'yini grand jamoalar darajasida ekanligi ko'rindi. SHu orqali u MYUga o'tdi va 2 yilda 2 bora APL chempionligini qo'lga kiritdi va bir bora ECHL bosh sovriniga ega chiqdi.

Biroq o'sha vaqtlarda u "Manchester Yunayted"da ijara asosida o'ynardi va mankunianliklar Karlosni sotib olish uchun qattiq harakat qilishdi. Biroq u kutilmaganda "Manchester Siti"ni tanladi. Futbolchining keyingi hayoti esa xavf ostida qoldi.

"Siti"ga o'tganidan keyin u "Yunayted"ga qarshi ko'r hunarlar ko'rsatdi. U "Siti" bilan chempionlikni nishonlayotganda qo'lida "R.I.P. Fergie" yozuvini ko'tarib olganini barcha eslasa kerak.

4) Mario Gyotce

"Borussiya"dan "Bavariya"ga futbolchilarning transferi tez-tez kuzatiladigan holat. Ammo Mario "Borussiya"ning "toza mahsuloti" hisoblanadi. U 9 yil davomida dortmundliklar tarkibida o'ynadi va asosiy jamoaning yuragiga aylangandi.

Muxlislarning unga bo'lgan muhabbati "Bavariya"ga o'tguniga qadar davom etdi. Fakt shundaki, futbolchining transferi "Borussiya" muxlislari uchun anchagina og'riqli o'tdi. Lekin...

Futbolchi 3 yilda Dortmundga qaytdi. O'shanda u "Bavariya"ga o'tganidan qattiq afsuslanganini aytgandi.

5) Gonsalo IguainNeapoldagi 3 mavsumlik faoliyati davomida Gonsalo "Napoli" muxlislarining haqiqiy qahramoniga aylangandi.

U jamoa tarkibida 146 o'yinda 91 gol urdi va ko'plab gollarga assistentlik qildi. Ammo Iguain keyinchalik jamoa muxlislari uchun eng yomon yo'lni tanladi. "Yuventus"ni "Napoli"dagilar o'lguday yomon ko'rishardi. 

Gonsaloning transferidan keyin muxlislar uning rasmlarini yoqishganini va o'lim tilashgani, shuningdek, uning rasmidan hojatxona qog'ozlari tayyorlashgani orqali unga bo'lgan munosabatini tushunib olish mumkin.

Mirjalol Normatov tarjimasi