Ukrainaga 2ta texnik mag'lubiyat yozilishi mumkin

Malumotlarga ko'ra, Ukraina futbol federaciyasi braziliyalik Junior Moraesni mahalliylashtirishda qoidalarni buzgan. FIFA reglamentiga ko'ra, futbolchi quyidagi shartlar bo'yicha milliy jamoada o'ynashi mumkin: Agar u o'sha mamlakatda tug'ilgan bo'lsa, agar uning ota-onasi shu mamlakatda dunyoga kelgan bo'lsa va agar u ushbu mamlakatda 5 yil tanaffussiz istiqomat qilgan bo'lsa. Moraes 2017 yil Xitoyga ketishdan avval 4 yil va 8 oy Ukrainada yashagan.

Agar futbol rahbariyati maksimal darajada jazolarni qo'llaydigan bo'lsa, Ukrainaga Evro-2020 saralashidagi Portugaliya va Lyuksemburgga qarshi bahs uchun texnik mag'lubiyat yoziladi. Moraes bu o'yinlarda maydonga tushgan edi. SHunday qilib, 4 ochko to'plagan Ukraina terma jamoasi turnir jadvalida so'nggi o'ringa tushib ketishi mumkin.