"Turon" murabbiyi Mirjalol Jo'raev: "Ikkala jamoa ham g'alabaga loyiq emasdi"

- O'yin biz kutgandek hujumkor ruhda boshlanmadi. Natija ikki jamoaning ko'rsatgan o'yiniga mos bo'ldi. Bugungi bahsda ikkala jamoa ham g'alabaga loyiq emasdi. Barchasi 0:0 hisobida aks etib turibdi. Biz g'alaba qozonishni istagandek, biroq ishlar o'xshamadi.

- Jamoa bosh murabbiyi o'yin qaydnomasiga kiritilmadi.

- Bu haqda to'g'risi javob bera olmayman. Savolni to'g'ridan-to'g'ri klub rahbariyatiga berganingiz maqul.

- Siz birinchi davra yakuniga qadar jamoani boshqarasizmi yoki mavsum yakuniga qadar?

- Hozircha bu ham mavhum. Rahbariyat bizga dastlabki ikki bahsga jamoani tayyorlashimiz kerakligini aytishdi. Hali maqsad va vazifalar borasida gaplashib ko'rganimiz yo'q. Bunday savollarning barchasini rahbariyatga yo'naltirganingiz maqulroq.

- "Turon" futbolchilarida ikkinchi bo'limda charchoq alomatlari sezildi. Bu o'yinga bo'lgan tayyorgarlikning kechikib ketgani boismi? Keyin esa Quvondiq Ro'zievni zaxiraga olganingizda etiroz bildirgandek bo'ldi. Bu to'g'ri qaror bo'ldimi?

- Vaziyatdan kelib chiqqan holda tayyorgarlikni kech boshladik. O'yinga etarlicha darajada tayyorlana olmadik. Yigitlarning jismoniy holati ham yaxshi emasdi. SHuning hisobiga ham bo'lgan bo'lsa kerak. Quvondiq borasida gapiradigan bo'lsam, u tomonidan hech qanday etirozlar bo'lmadi. Buni to'g'ri almashtirish bo'ldi deb hisoblayman.