Turkiyadagi zilzila oqibatida "Sivasspor" murabbiyining 15 nafar qarindoshi halok bo'ldi

Bu haqda "Hurriyet "nashri xabar bermoqda.

"Sivasspor"ning rasmiy saytida ham Tenbelo'g'liga hamdardlik maktubi paydo bo'ldi, biroq vafot etgan qarindoshlari soni ko'rsatilmagan.

"Kaxramanmarashda ro'y bergan zilzila oqibatida jamoamiz yordamchi murabbiylaridan biri, Xatayda yashovchi Ayxan Tenbelo'g'lining ko'plab yaqinlari halok bo'lgani haqida qayg'uli xabar oldik. Ayxan Tenbelog'li, uning oila azolari va yaqinlariga hamdardlik bildiramiz hamda halok bo'lganlarni Allohdan rahmatiga olgan bo'lsin deymiz", – deyiladi klub bayonotida.

Dushanba kuni ertalab Turkiya janubi-sharqida 7,7 magnitudali zilzila yuz berdi. So'nggi malumotlarga ko'ra, 4 mingga yaqin odam qurbon bo'lgan.

O'zbekiston Tashqi ishlar vazirligiga ko'ra, bugun Turkiyadagi zilzila oqibatida Malatya provinciyasida bir nafar O'zbekiston fuqarosi halok bo'ldi. Bundan tashqari, to'rt nafar hamyurtimiz bedarak yo'qolgan. Ularni topish bo'yicha tezkor qidiruv-qutqaruv ishlari amalga oshirilmoqda.