Tur murabbiyi - Hamidjon Aktamov

Jizzaxda o'tgan "So'g'diyona"ga qarshi bahsda ishonchli o'yini orqali mavsumdagi ilk g'alabasini qo'lga kiritdi. Tarkibdagi bir qator yo'qotishlarga qaramasdan Aktamov ushbu uchrashuvda jamoasini yaxshi tayyorladi. Jamoa sardori Erkin Boydullaev, hujumchi Andrey Sidorovlarning yo'qligi "Qizilqum" uchun katta yo'qotish edi. SHuningdek, o'yin avvalida  Boydullaevning o'rnida harakatlangan Alisher Sanoev ham kutilmaganda jarohat olib maydonni tark etgandi. Ammo ushbu yo'qotishlarga qaramasdan Aktamov kerakli o'zgarishlarni amalga oshira oldi va yakunda muhim g'alaba bilan uyga qaytishga muvaffaq bo'ldi. Murabbiy qo'l urgan o'zgarishlari natijasida bellashuvda xet-trik qayd etgan turning eng yaxshi futbolchisi Elguja Grigalashvili dastlab o'yinni hujumchi ortida boshlagandi. Ammo tanaffusdan so'ng Aktamov ushbu futbolchini Doniyor Usmonov bilan o'rnini almashtirdi. Yani Elguja Grigalashvili ikkinchi taymda hujumchi ortida emas, balki hujumkor vinger sifatida chap qanotda o'ynadi. Buning samarasi ularoq gruziyalik futbolchi o'z qanotidan hujumlarni keskinlashtirdi va raqib darvozasi tomon uch marotaba yo'l topishga muvaffaq bo'ldi.

SHu tariqa Hamidjon Aktamov Superliganing 4-turining eng yaxshi murabbiy deb topildi.