Toshloq tumanida Muhammad Yusuf xotirasiga bag'ishlangan musobaqa bo'lib o'tdi

Farg'ona viloyati Toshloq tumanida ham shunday musobaqa futbol turi bo'yicha o'tkazildi. Tashkil etilgan futbol turnirida 4 jamoa qatnashdi. O'yinlar boshlanishidan avval Muhammad Yusuf hayoti va ijodi haqida iliq fikrlar bildirildi. Musobaqa tashkilotchilari qatnashchilarga omad tiladilar. SHundan so'ng o'yinlar boshlanib ketdi.

Dastlabki bahsda Marg'ilonning ikki jamoasi to'qnash keldi. O'ram mahallasining "O'ram" jamoasi qo'shnilari Baxrinning "Baxrin" jamoasiga qarshi saf tortdilar. Bu ikkala jamoa o'rtasidagi bahs qiziqarli kechdi. Uchrashuvning dastlabki daqiqasida o'ramliklar tomonidan kiritilgan to'p yagonaligicha qoldi va final yo'llanmasini qo'lga kiritishdi.

Ikkinchi finalchi nomini aniqlash uchun Xamrakning "Qizil oy" jamoasi So'filarning "Oq oltin" jamoasiga qarshi bahsga kirishdi. Keskin kurashlarga boy bo'lgan uchrashuvda "Oq oltin" jamoasining qo'li baland keldi. Yakuniy hisob 2:1. Turnirning finali haqiqiy drammatikani tuxfa etdi. Turnirning so'nggi o'yinida raqibidan ancha mazmunli o'yin namoyish etgan "Oq oltin" jamoasi 2:0 hisobida g'alaba nashidasini surdi. Turnir yakunida musobaqa qatnashchilariga tashkilotchilar tomonidan esdalik sovg'alari taqdim etildi. Bosh sovrin billur kubok "Oq oltin" jamoasiga nasib etdi. SHu tariqa Muhammad Yusuf xotirasiga bag'ishlangan musobaqa yakunlandi.


Komiljon Ikromov.