Toshkent viloyatida hakamlar uchun seminar tashkil qilindi

Seminar avvalida Toshkent viloyati futbol associaciyasi birinchi vice-prezidenti Botir Mahmudov mavsumning birinchi qismida o'zini ko'rsatgan uch nafar referiga maqtov yorliqlarini topshirdi. A. Bobomurodov, A. Saidov va D. Abdug'anievning qilgan mehnatlari etirof etildi.

Kunning birinchi qismida hakamlarning nazariy bilimlari sinovdan o'tkazilgan bo'lsa, tushlikdan so'ng amaliy mashg'ulotlar bo'lib o'tdi. Kun oxirida hakamlar "Ammafos-Maksam" (Olmaliq) - "Rubin" (Qibray) jamoalari o'rtasidagi o'rtoqlik uchrashuvini boshqargan hamkasblarining harakatlarini tahlil qilishdi.

Seminarda viloyatning 23 nafar hakami ishtirok etdi.